10 din me height badhaye naturally

Namashkar dosto,

Bohut bohut swaagat karta hu main aap logo ka is article ke zariye

Dosto height kam reh jana ya height ka ruk jana aaj kal ek aam samsya ho gayi hai. Mostly logo ka ye manna hai ki kisi vyakti ki height 85% se 95% tak uske genetics pe depend karti hai. Matlab parents ya grand parents ki height par jo ki galat bhi nahi hai. Par main is percentage ko thoda kam karna chahunga, ab genetics pe 60% se lekar 70% tak he height depend karti hai. kyuki dekha gaya hai ki jinke parents ki height achi hai or unke yadi 3 bachche hai to 1 ki height he apne parents pe jaati hai or baaki 2 ki parents se kam reh jaati hai. kuch aisa ratio haal he ki gayi study me saamne nikalke aya hai. or aise log height badhane ke liye moti sole ke shoes pehente hai ya shoes ke andar ek moti layer lagaake pehente hai. Aise logo ko height pe sabse zyada taane unke best friends he kaste hai.

Aise logo ko niraash nahi hona chahiye kyuki agar hum sachin tendulkar ka example dekhe to aap dekh sakte hai kam height hone ke baad bhi unhone kitna naam kamaya hai. chaliye topic pe baat karte hai. to ab sabse pehle ye jaan lein ki age 1 se lekar teenage tak har saal 2 inch hamari height increase hoti hai or teenage se 18 tak hamari height har saal 4 inch increase hoti hai or kuch cases me ye bhi dekha gaya hai ki kisi vyakti ki height 21 tak badh sakti hai. iske sath ye na bhule ki har koi alag alag gati se badhta hai. 99% logo ki height 18 saal tak ruk jaati hai yaani isse aage height nahi badhti. To ab jaante hai ki kis tarike se hum jaldi se jaldi apni height increase kar sakte hai.

Height badhaane ke liye 2 chize sabse kaargaar saabit hui hai

Balanced diet
Regular workout

To pehle baat karte hai balanced diet ki

Kishoravastha me ye zaruri nahi ki jitney hume nutrients chahiye height badhaane ke liye utni diet hum le rahe ho. Kyuki kishoravastha ek aisi stage hoti hai jisme insaan khane peene me kam or mauj masti ki gati vidhiyo pe zyada dhyaan deta hai. Jo uske saamne aye wo khane lagta hai jaise pizza, burger ya anya fast food items. Or aaj kal to swiggy, zomato, uber eats jaisi companies market me aa gayi hai jo 50% tak ya kabhi kabhi isse bhi zayada discount pe khana ghar baithe delivered kar deti hai to log sochte hai ki ghar se sasta khana to bahar se he pad raha hai isliye wo log bahar se khana order kar dete hai par unhe ye nahi pata ki bahar ka khana khaake wo apna or apne bacho ki health ke sath khilwaad kar rahe hai. wo bhi zyada dhyaan nahi dete apne bacho ki diet par. To agar hum balanced diet ki baat kare to hume balanced diet me khana chahiye

Fresh Fruits
Fresh Vegetables
Dairy Products
Whole Grains
Protein (Most Important)

1 Balanced diet ko apnana bahut mushkil hota hai. kyuki har waqt sahi samay pe khana or ek jaisa khana thoda mushkil sa ho jata hai. kyuki chaahe koi bachcha ho ya jawaan har koi ya to school, college, ya office me busy rehta hai. lekin jisne ye apna liya uski height sahi samay pe zarur badhegi. Jin chizo se hume door rehna hai wo hai

Sugar
Trans Fat
Saturated Fat
Alcohol
Smoking

Kyuki yeh aisi chize hai jo height badhne me rukaawat paida karti hai. or sirf diet pe he dhyaan na de, ek achi diet ke sath sath workout bhi karte rahe. Because regular exercise is the best way to increase height after 18. Sabko maalum hai ki latakna ya hanging exercise karna ek acha option hai par iske sath sath yoga kaafi kaargar saabit hoti hai height badhaane me. Aaj kal ki 90% generation gym ki or zyada or yoga ki or kam dhyaan deti hai. par sach to ye hai ki agar hum baat kare height increase karne ki to yoga sabse zyada beneficial hai.

Yoga me aap kar sakte hai

TaadAsan (Mountain Pose)
Bhujang Asan (Cobra Pose)
Virbhadra Asan (Warrior 2 Pose)

In teeno aasno se aapko height badhaane me madad milegi or aapke baithne yak hade rehne ka tarika ya posture bhi thik hoga. Kuch logo ki height isliye kam lagti hai kyuki wo jhuk ke khade hote hai. kuch height badi karne ke supplements bhi market me hai jo aap internet pe search maarke aap check kar sakte hai. lekin main aapko pehle he batadu ki inme se kon se kaam karenge konse nahi ye main aapko nahi bata sakta kyuki maine personally ye try nahi kiye hai isiliye iske result ke bare me main aapko kuch nahi bata sakta. Lekin jo log in supplements ko apni marzi se try karna chaahe wo log try kar sakte hai.

To dosto in the end ek baar fir main aapko remind karadu ke hume jaldi height badhaane ke liye kya kya karna hoga

Get Proper Nutrition
Get Adequate Sleep
Exercise Regularly
Avoid Growth Inhibitors (Stop drinking alcohol & Smoking)
Practise Good Posture (Including Yoga)
Do Streches
Do Hanging Exercise

To dosto asha karta hu ki is article se aapko thodi help mili hogi ya aapko pata chala hoga ki height badhaane ke liye kya kya karna chahiye or kya kya nahi karna chahiye. To aap is article ko apne dosto ke sath share karke hume motivate kar sakte hai jisse or bhi articles hum aapke liye likh paaye or aapki help kar sake. Or agar is article se jude koi sawaal aake man me aate hai to aap use comment box me puch sakte hai jiska jaldi se jaldi aapko reply kar diya jaega. Dhanyawaad