15 dino me weight gain kare is simple diet ko apnakar

Hello friends

Dosto mote logo ki tension hoti hai ki wo wajan kaise kare or patle ya duble logo ki ye tension hoti hai ke wo wajan kaise badhaaye. Waise to zarurat se zyada mote or zarurat se zyada patle dono logo ko he heen bhaavna ka shikaar hona padta hai. par ye bhi sach hai ki atyadhik dublapan logo ki personality ko kharab kar deta hai. duble logo ko aksar haddi, kankaal, mara hua ya kuch aise he naam diye jaate hai. aise me duble log thand me zyada se zyada kapde pehnke ghumne lagte hai jisse unka dubla sharir chup sake or garmiyo me shirt ke neeche moti t-shirt pehenke ghumte hai. par aisa karke wo apne aap ko he dhoka de rahe hote hai. to aise log wajan badhaane ke liye kya kare aaj is article me hum yahi baat karne waale hai, jisse unka wajan bhi badhe or sharir bhi swasth dikhaayi de.

To 2 option aapke paas available hai wajan badhaane ke

Ya to aap koi weight gainer lein or gym join kare – isse wajan jaldi badhne lagta hai or desired result aapko milne lagte hai.
Ya fir aap achi diet lein

1^st option weight gainer wala kuch he log apnate hai. haalaki apnana to sabhi chahte hai par sach batau to afford kuch he log kar paate hai jinke paas acha paisa hota hai ya fir wo achi family se belong karte ho. Ab agar hum kisi bhi weight gainer ki nutrition value dekhe to hum paaenge ki inme calories or carbs ki maatra sabse zyada hoti hai.

To isse ye to saaf zaahir hota hai ki hume weight gain karne ke liye hume inhi dono chizo ki sabse zyada zarurat hoti hai. To ab aap samjh he gaye honge ki agar hume weight gain karna ho to aisi diet leni hogi jisme calories or carbs adhik ho. Ab baat karte hai ki hume apni diet me kya kya khana chahiye.

To din ki shuruaat kare 1 glass MILK se or iske sath aap lein sakte hai COOKIES.

Dekha jaaye to 250ml doodh mein hume milti hai takriban 125 calories, carbs milte hai hume 12g, or protein milte hai 7g.

iske kuch time baad aap Breakfast mein lein OATS or sath mein 1 APPLE khaaye. Agar apple ko oats ke sath he milaakar khaya jaaye to ye ek tasty option bhi ban jata hai. 50g oats me hote hai Protein 8g, Calories 190 or Carbs hote hai 32g.

or jo non vegetarian log hai wo is diet ke andar EGGS ya CHICKEN ko bhi add kar sakte hai.

Or iske 2 ghante baad khaaye 2 BANANA or fir 1 glass doodh piye. Agar aapko walnuts pasand ho to aadhi muthi wo bhi sath me khaaye. Isse aapko total Calories milengi 350, Carbs milenge 34g, or Protein aapko milenge 10g.

LUNCH me khaaye DAAL, RICE or sath mein lein thodi dahi. Isse aapko total Calories milengi 350, Carbs 55g, or 22g Protein.

EVENING mein aap kha sakte hai GRANOLA. Ye sabse zyada high calorie food hai. Iske per 100g mein 470 Calories, 60g Carbs or 8g Protein hume milta hai.

DINNER mein lein POTATOES, GREEN VEGETABLES or PANEER. Ho sake to aap Mix Veg banake usme paneer daalke aap kha sakte hai or haan saath me dahi khana naa bhule. Isse aapko total 400 Calories, 50g Carbs or 30g Protein aapko milega.

Before bed aap 1 glass doodh piye or ek achi neend lein.

To din bhar jo humne khaya agar uski total calculation hum kare to hume mila hai Protein 80g, Calories 2000, or Carbs 250g.

To kul milaake yeh ek high calories diet hai jiske sath aapko achi maatra me carbs or protein bhi mil jaate hai. ye bilkul na soche ki itna kon khaega ya hume to bhuk he nahi lagti itni ya fir hum to office,school ya college jaate hai to hamare paas time he nahi hai itna khane ka. Ek baat dhyaan rakhe ki choti choti maatra me agar aap din mein 6 se 7 meal nahi lenge to aapki sehat nahi ban sakti. Kyuki jab kuch pet me jaega he nahi to sharir ko lagega kaise. Or jinki paachan shakti kamzor hai wo pehle apni paachan shakti ko swasth kare or fir is diet ko lein. Apni paachan shakti achi karne ke liye apne nazdiki doctor se salaah lein.

To dosto ye diet apnaaye or apna wajan badhta dekhe naturally. 15 dino me aapko farak nazar aa sakta hai agar aap ye diet ache se follow karte hai to. Or haan values me difference ho sakta hai thoda bohut jo upar di gayi hai. to asha karta hu aapko ye article pasand aya hoga. Agar is article se jude koi sawaal aapke man me hai to niche comment box me likhke aap puch sakte hai. dhanywaad