Apne muscles ko jaldi kaise badhaye

Hello Friends

Agar aap ye article padh rahe hai to main yahi samjhunga ki aap body banana me asafal ho gye hai ya fir aapne nayi nayi body banana ya gym jana shuru kiya hai. Dosto mostly dekha jata hai ki achi body ka sapna lekar gym jaane waale 90% log muscle gaining mein suffer karte reh jaate hai or sirf 10% log he safal ho paate hai. Kya kabhi aapne ye socha hai ki sirf 10% log he body banana me safal kyu hote hai ya wo log aisa kya karte hai jinse unki achi body ban jaati hai or hamari nahi.

Aap ye zarur sochte honge ki aap aisi kya galti kar rahe hain jo aapke muscles gain nahi ho paa rahe hai. Jo log safal nahi ho paate hai aise log sirf workout pe dhyaan dete hai or diet pe dhyaan nahi dete hai. Wo gym mein apna 100% to de rahe hai par ek achi protein yukt diet ko ignore kar dete hai. kyuki unhe ye nahi pata hota ki sirf workout se unki body nahi banegi. Kyuki workout bus 30% tak he body banane me sath deta hai, jabki asli muscle build sirf achi protein yukt diet se he bante hai.

Bus yahi sochne mein aap log maat khaa jaate hai or muscle build nahi kar paate hai. aapko ye samjhna hoga ki muscle build ke liye jitna workout zaruri hai usse kayi zyada zaruri role diet play karti hai. Is article mein hum diet tips ki baat karenge. Or agar hum diet ki baat kare to sabse zaruri chiz hoti hai calories or energy. Jo mainly hume 3 macronutrients Carbohydrate, Protein or fat se hume milti hai.

Muscle build ke liye sabse important chiz hoti hai PROTEIN. Protein consume karna bohut zaruri hai jo ki hume veg or non-veg dono tareh ki diet se hume mil jata hai. Par hum logo ko jitna protein consume karna chahiye utna hum food se nahi lein paate hai. Isliye hume supplements ka sahara lena padta hai. Jisme best supplement hai whey protein. Waise to whey protein, creatine, bcaa, omega 3, multivitamins or bhi bohut tarike ke supplements market mein mil jaaenge.

Par hume yaha zarurat hai smartly supplement buy karne ki. Kyuki hamari pocket hume allow nahi karti hai mehnge supplement buy karne ke liye or jo buy kar sakte hai unke liye supplements ek plus point hai. Waise aaj kal aise whey proteins aa rahe hai jisme pehle se he protein, bcaa or creatine jaisi chize mili hoti hai. Agar aise whey protein hum kharidte hai to hume bcaa or creatine jaise supplements alag se kharidne ki zarurat nahi padti hai or hamara paisa bhi isse bachta hai.

2^nd main chiz TESTOSTERON hoti hai muscle build ke liye. Testosteron ko badhaane ke liye kayi log Steroids kabhi sahara lete hai. par meri maane to aap aisa naa kare. Kabhi steroids ka sahara naa lein. Apna testosterone badhaane ke liye humesha natural tarike ko he apnaaye. Jaise ashwagandha, shilajeet jaisi chize khaaye kyuki ye sab ek jadi bootiya hai or aapke sharir mein koi gambhir side effect nahi karengi steroids ke muqaable.

3^rd chiz jispe aapko dhyaan dena hai wo hai PRE-WORKOUT and POST-WORKOUT. Pre workout hamari body ko workout karne ke liye hamari body ko energy pradaan karta hai or isme aap diet le sakte hai OATS or SWEET POTATO, ya fir COFFEE bhi le sakte hai. Jo hume lena hai exercise ke 45min to 1hr pehle. Or coffee agar aap lete hai to use workout ke 20min pehle le sakte hai. Ye meal aapko instant energy dega jisse aap exercise karte waqt energized rahenge. Agar aapko pre-workout foods ke bare mein deeply jaan na hai to aap yaha click karke pre-workout foods ke bare main jaan sakte hai.

Or Post workout meal ek most important meal hoti hai, jo ki ek high protein meal hoti hai. or agar aapne protein ke sath sath carbs(carbohydrates) bhi combine kar liye to sone pe suhaga ho jaega ek tarike se. Kyuki carbs insulin ko increase karke amino acids ko muscles tak pahucha dete hai or muscles growth process ko start kar dete hai. or agar aap full post workout foods ke bare me or jaan na chahte hai to yaha click karke padh sakte hai.

Or jaisa ki maine pehle bola hai ki muscle growth gym mein nahi, after gym hote hai. To kabhi bhi apni meal skip naa kare. Or is baat ka khaas dhyaan rakhe ki meal humesha 8 ya 10 chote portion me lein. Kyuki wo zyada benefit karega bajaay iske ki aap heavy meal 3 se 4 baar lein ek din mein. Isse aapki body ko protein, carbs, fat ki regular supply milti rahegi. Or haan saath mein paani achi maatra mein peena naa bhule. Paani ek din mein lagbhag 3 se 4 ltr piye. Kyuki gyming ke waqt body ko hydrate rakhna bohut zaruri hota hai. kyuki aapke muscles bhi paani ko hold karke rakhte hain jisse aapke muscles foole hue dikhte hai. to paani peena bhi hamari body ke liye utna he important hai jitna ki meal lena.

Agar is topic se related aapke koi sawaal hai to use comment box mein comment karna naa bhule. Thank you