In 10 me se 5 chiz bhi apna li to aap patle ho jaenge

Hello friends

Dosto mota hona bhi patle hone ke jaise ek abhishap hai. Sach to yeh hai ke zarurat se zyada mota or zarurat se zyada patla hona dono he aapki personality kharab kar deta hai. Aksar dekha gaya hai ki mote logo ko bimariya bhi bohut jaldi jakadti hai jaise heart disease, high blood pressure, diabetes etc. Motapa he unki saari bimariyo ki jad hai. Mote log patla hone ke liye new year resolution rakhte hai, par use follow kam he log kar paate hai. Yakeen maane to weight kam karna weight badhane se zyada mushkil hai kyuki weight kam karne ke liye hume aisi chizo se door rehna padta hai jo ki tasty hoti hai, or hamari man pasand bhi. Aise me man maarke reh jana he ik lota option hota hai. Par man bhi wahi log maar sakte hai jinki ichcha shakti bohut strong ho. Or afsos ki weight loose bhi aise logo ka hota hai jinki ichchca shakti strong hoti hai. Or agar aapki ichcha shakti strong nahi hai to kya karna chahiye aaj hum isi topic pe baat karne wale hai or agar aap yaha batayi hui in 10 me se 5 chize bhi follow karli to aapko patla hone se koi nahi rok sakta.

 

• Khana khane se adha ghanta pehle ek glass paani zarur piye

   

 

Recent studies dwara pata chala hai ki khana khane ke adha ghanta pehle pani pine se hamara weight 45% tak jaldi loose hota hai. Or isse aapka sharir calories bhi kam consume karta hai jisse direct aapka weight loose hoga. Pani peene se aapko apna pet bhara bhara sa lagega or aap khud kam khana khaenge. Agar aap khana khane se pehle pani nahi pienge to aap over eating kar lenge or jab over eating ke baad pani pina chahenge to aapko aapka pet bhara lagega or aap na chaahte hue bhi apna weight badha lenge. Aisa karne se aap per glass kam se kam 100 anchahi calories se chutkara paa lenge. Or yeh ek asaan kaam hai jo har koi kar sakta hair o iske liye aapko kisi strong will power ki zarurat nahi hai kyuki prithvi per rehne wala har vyakti paani zarur peeta hai or iske bina reh nahi sakta.

 

• Apna khana dhire dhire khaaye

 

 

Aksar dekha jata hai ki mote log apna khana jaldi khane ki koshish karte hai. Jisse hota ye hai ki wo thik se apna khana chaba nahi paate. Or tezi se khana khane wale log jaldi weight gain karte hai. Agar aap dhire khana nahi kha sakte to ek or kaam kar sakte hai ki aap chote chote tukde le or fir khaye naki bade bade tukde tode or use khaye. Isse aapka khana der me khatam hoga or aapko lagega ki aap zyada khana kha rahe hai. Dhire khana khane se aapka digestion acha hoga, acha hydration rahega. Or tez khana khane se aapka digestion kharab hoga, wajan badhega or khane se kam santushti milegi.

 

Also read this – 11 adsense friendly wordpress themes

 

 

• Khana choti plates me lein

 

 

khana lene ke liye kabhi bhi badi plates ka upyog na kare. Humesha apna khana choti plates me lein. Choti plates me khana kam khaya jata hai. Sunne me ye strange zarur lagta hai par ye tarika 100% kaam zarur karta hai. jab kam khaane ki baat aati hai, to researchers ko pata chala hai ki calorie kam karne ka aasaan tarika ek chhoti plate ka use karana hai. Ek adhyan se pata chala hai ki yadi hum 10inch ki plate me khana lene ki bajaye 8 inch ki plate me khana lete hai to calorie intake me 22% tak ki kami aa sakti hai. Agar maan lein ki koi har raat 1000 calories ka khana khata hai to aap is upaay ko apnakar 1 saal me takriban 10 pound tak wazan kam kar sakte hai.

 

• Coffee ya tea zyada piye

 

 

agar aap chai ya coffee peen eke shokeen hai to zyada se zyada inhe peene ki koshish kare kyuki inke andar mojud caffein aapke metabolism ko 4 se 12% tak boost kar deta hai. Or yadi aap normal ki jageh green tea peete hai to ye or bhi acha option aapke liye ho jata hai fat burn karne ke liye.

 

• Soluble fibers zyada khaaye

 

 

jitna ho sake soluble fibers ko intake kare kyuki soluble fibers aapke cholesterol particles ke sath attach hoke unko aapki body ke bahar flush kar deta hai. Ye prakriya hone se aapka cholesterol level kam hota hai. Or ab aap soch rahe honge ki kin kin chizo me soluble fibers hote hai, to main aapko batadu ke soluble fibers hote hai nuts, beans, oatmeal, apple, oranges or flexseeds jaisi chizo me.

 

• Spicy foods khaaye

 

 

jitna ho sake aapko spicy food khana chahiye kyuki mirch me capsaicin naamak substance hota hai or aapko ye jaanke hairani hogi ki kayi fat loss supplements me ye ek main ingredient bhi hota hai. iska sewan karne se apetite reduce hoti hai of fat burn hota hai. or fat burn hoga to aap to aap apne aap patle honge. Isme aapko zyada mehnat karne ki zarurat nahi hai bus thoda sa khane ka andaaz aapko badalna hai.

 

• Apple cider vinegar istmaal kare

 

 

apple cider vinegar bohut popular hai natural health community me. Kuch log ise salads ke upar dressing ke taur pe use karte hai or kuch ise pani me milaake bhi peete hai. vinegar blood pressure ko normal karta hai, diabetes ko control karta hai or sabse important jo hamara topic hai fat loss me bohut sahayak hota hai. or haan hamesha yaad rakhe ki jitna ho sake organic apple cider vinegar he use kare.

 

• Sugar wali drinks avoid kare

 

 

jin chizo me sugar zyada ho wo avoid kare even packed fruit juice. Kyuki inme artificial sweetner hota hai jo motapa badhata hai. hum ye sochke juice peete hai ki hume isse energy milegi. Par sach to ye hai ki isse hume energy kam or fat zyada milta hai. juice ke alawa kisi bhi tareh ki soft drinks ya cold coffee wagereh bhi avoid kare. Avoid aapki dictionary me first or last word hona chahiye.

 

• High protein breakfast khaaye

 

 

Breakfast humesha high protein wala he kare na ki high calories wala. Haan isme koi shaq nahi ki high protein wala breakfast itna swaad nahi hoga jitna ki high calories wala lekin agar aap humesha dhyan me rakhenge ki aapko apna fat loss karna hai to aapko high protein wala breakfast khane me koi dikkat nahi hogi. Dekha gaya hai ki high protein breakfast aapki cravings mitata hai or calories intake kam karta hai.

 

• Roz adha ghanta zyada soye

 

 

Humesha apne time se adha ghanta zyada soye. Bohut logo ka manna hai ki zyada sone se motapa badhta hai lekin ek research me saamne aya hai ki kam neend lene se aap apne aapko zyada bhooka mehsus karte hain. Isliye aaj se he zyada sone ki aadat daal le or apna motapa kam hote hue dekhe.

 

To asha karta hu ki aapko ye article acha laga hoga. Agar aapko ye article acha laga ho to apne dosto ke sath zarur share kare or is article se related koi sawaal ho to use comment box me puch sakte hai.

Also, Read this

• 15 dino me naturally weight gain kare
• Whey protein ke side effects
• Ripped body banani ho to ye chize naa khaaye
• Supplements khaane wale liver ko kaise surakshit rakhe