Table of Contents
Agar aap apne favourite kapdo ko ek taraf rakhte hain or yeh sochte hai ki shayad kisi din aap unme fit ho jaenge, to ab samay aa gaya hai ki aap ise sach karke dikhaaye. Agar aap ye sochte rahenge ki abhi chodo baad me wajan kam kar lenge to main aapko batadu dosto ki aisi soch rakhne wale kabhi patle nahi ho sakte. Apne vajan ghataane ke aim mein deri karne se aapko katayi madad nahin milegi. Aapko kisi din charge lena hoga aur apne comfort zone se bahar aana hoga.
Aapki body ko ek nayi diet mein adjust hone ke liye time chaahiye hota hai, isliye apni body ko uske liye adjust kare. Aaj hum kuch metabolism-boosting drinks ki charcha is article mein karne wale hai jo har subeh aapko apni diet mein include karna hoga, jisse aapko patla hone me bohut madad milegi. In drinks ko fat kam karne ke liye jana jata hai. Inhein subah jaldee uthke lein, kyonki yahi wo samay hai jab aapka metabolism apni charam seema par hota hai.
5 weight loss drinks
-
Ajwain ka paani (Carom seeds)
Ajwain ke beej svaabhaavik roop se metabolism ko boost karne ke liye jaane jaate hai. hamare pooravaj ise pet dard ke samay bhi piya karte the. Ajwain digestion aur khaane ko pachaane mein bohut sahaayak hota hai. Ajwain bhi har ghar me asaani se uplabdh hoti hai isliye iska use karna aapke liye koi mushkil kaam nahi hoga. 2 chammach sookhi ajwain ko tawe pe bhoon lein or bhoon ne ke baad use ek glass paani mein raat bhar bhigo ke rakhein. Paani ko achchhi tareh se chhaan lein or agli subeh pee lein.
-
Saunf ka paani (fennel water)
Saunf Indigestion aur soojan se bachne ke liye ek bohut purana or hamare purwajo dwara istmaal kiye jane wala upaay hai . saunf mein aise mehtvapoorn gun hote hain jo aapki body ko detoxify karane mein madad karte hai. Detoxing ko weight loss ke saath direct joda ja sakta hai. saunf aapke metabolism ko boost karne mein bohut upayogi chiz saabit hue hain. paani mein ek chammach saunf ke beej milayae aur ise raat bhar dhak kar chhod dein or fir agli subeh us paani ko chhaankar piye.
-
Jeere ka paani (Cumin water)
Aapne jeere ko apne khaane mein aur raayte mein use karke zarur khaya hoga kyuki har Indian khana iske bina adhura hai. lekin ab waqt aa gaya hai ki aap jeere ko apne pet ki charbi pighlaane ke liye use karein. jeera water ek bohut badhiya low calorie drink hai jo aapke digestion aur metabolism ko bosst karne mein madad karata hai. Yeh bhookh ko dabaane aur fat burn ki prakriya ko fast karane mein bhi bohut helpful hai. Ek glass paani mein ek chammach jeera milaakar raat bhar chhod dein jaise saunf ke sath karna tha. Agli subeh us paani ko chhaankar pee lein. Jeera har ghar mein uplabdh hota hai isliye aap ye kaam asaani se kar sakte hai.
-
Green tea
Green tea health aur nutrition ki duniya mein bohut famous ho gayi hai. agar aap youtube pe green tea likhkar search mare to aapke saamne kayi video aa jaengi jinme greem tea ko fat loss ke liye istmaal karne ki salaah di ja rahi hogi. Green tea antioxidants se bhari hoti hai vishesh roop se catechins jo svaabhaavik roop se metabolism ko boost karne ke liye jaana jaata hai. Ise bina sugar ke piye, aap ise ubaalane ke baad isme thoda nimbu bhi milaye jisse aapko green tea or nimbu dono ke faayde ek sath mil jaaenge.
-
Nimbu paani (Lemon water)
Garmiyon ke dino mein nimbu paani ek amrit ka kaam karta hai. Bachche ho ya boodhe, nimbu paani sabke liye faayde mand hota hai. Lekin kya aap yeh jaante hain ki apne din ki shuruaat agar aap ek glass nimbu paani peekar karte hai to isse aapke pet kI charbi kam ho sakti hai. Nimbu antioxidants aur pectin fiber se bharpur hota hai jo pet ki charbi ko pighlaane mein madad karta hai. shayad kisi bhaartiya ko yeh batane ki zarurat nahi hai ke nimbu paani kaise banta hai lekin fir bhi ek glass paani lein or usmein ek nimbu nichode aur ek chammach shahad milayen. Dhyaan rakhein humne ismein cheeni nahi milaani hai. sabse best results ke liye subeh uthte he iska sevan kare.
Yaad rahe aapko in sabme se ek chiz he choos karni hai or roz follow karni hai. Yeh Saari chize ek sath nahi peeni. Inme se jo aapko acha lage wo piye aur apne upar iska prabhaav dekhein. yeh sabhi ko samajhana chaahiye ki agar aap bohut mote hai or sirf in drinks ko peeke ye soche ki aap patle ho jaaenge to aap yaha galat honge. Aapko fir iske sath protein se bharpoor diet bhi leni hogi or exercise bhi karni hogi jaise running ityaadi. Tabhi aap apne sharir ka fat kam kar paenge.
Hi there very cool site!! Man .. Excellent .. Superb .. I will bookmark your site and take the feeds also…I’m satisfied to seek out so many helpful information here in the submit, we’d like develop extra techniques in this regard, thank you for sharing. . . . . .