Protein ki kami ke lakshan kya hain

Table of Contents

Hello Friends,

High-protein or low-carb diet ke yug mein, aapko lagata hoga ki aapko protein ki kami nahi ho sakti hai. Lekin aapko ye jaankar hairaani hogi ki kitne log is shakti shaali macro nutrient ko lene me laa parwaahi karte hain, khaasakar aise log jo intermittent fasting karte hain ya calories kam karne ki raah par hote hai.

Protein kayi prakaar ke shaaririk kaaryon ke liye important hai, jismein muscles building aur unhe repair karana, blood sugar ko sthir karna, bhookh par rok lagaana, or healthy naakhuno or baalon ko grow karna shaamil hai. Isliye agar aapko paryaapt maatra mein protein nahin mil raha hai, to yeh aapke vajan se lekar aapke mood tak sab kuchh prabhaavit kar sakata hai.

Hamari body ek baar mein sirf 20 se 30 gram protein ko he absorb kar sakti hai. yaad rakhe ek baar mein, naaki ek din mein. Ek din ki agar baat kare to aapko aapke wajan dugna protein ek din mein lena padta hai. yaani agar aapka wajan 60kg hai to aapko ek din mein 120gm protein lene ki aavshyakta hoti hai. or itne protein ki aavshyakta tab hoti hai jab aap body bana rahe ho ya weight loss pe chal rahe ho.

Normally aapko kam se kam 20gm protein lena he chahiye agar aapko apne aapko swasth rakhna hai to. Aapke har bhojan mein protein ki itni maatra honi he chahiye. Itne amount mein protein ka upbhog karne se aap pure din satisfied rahenge or aapko din mein energize rehne ke liye paryaapt shakti milegi.

Aapke sharir mein yeh sanket hain jo batate hain ki aapko adhik protein ki zarurat hai

Agar aap constantly carbs or sugar khaane ko taras rahe hain

Jab aap aisa khana khaate hain jismein pryaapt maatra mein protein ki kami hoti hai, to aap unsatisfied feel karte hain or sugary, fat se bharpoor khaane ki taraf lalchaate hain. Doctors ka maaanna hai ki “protein chizon ko balance karta hai, cravings yaani laalsa ko rokata hai, aur humein lambe samay tak full rakhta hai.” Apne subeh, dupeher or raat ke khaane mein paryaapt protein ka sevan zarur karein taaki aapka man meethi chize khaane ka naa kare.

Agar aapki skin dry rehti hai

Agar aapki skin pehle achi or glowing thi or ab dry and dull hai, to yeh ek sanket hai ki aapke sharir mein protein ki kami hai. “protein hamaari skin, naakhuno or baalo ke building blocks ko banata hai. yadi aap paryaapt maatra mein protein nahin le rahe hain, to aap shushk baal ya dry skin viksit kar sakate hain

Agar aapko khaane ke 1 ghante baad fir bhook lag jaaye

Protein or fat ki tulna mein carbohydrates ko pachne mein kam samay lagta hai. Iska matlab hai ki agar aap carbs zyada le rahe hain or protein aur fat ke saath apne food ko balance nahin karte to aapko kam time mein bhookh mahsoos hone lagti hai. isliye aapko har ghante me bhook lagti hai or aap kitchen me jaake kuch na khuch khaate hai or apna fat badhaate hai.

Isse bachne ke liye aapko protein, fat or carbs ke saath balanced deit khaane ki zarurat hai. taaki aapko ghanto tak bhook naa lage. Visheshgya salah dete hai ki prati bhojan aapko 40% protein, 30% fat or 30% carbs ki zarurat hoti hai. Protein ki maatra humesha zyada rakhni chahiye.

Agar har waqt aap thaka hua mahsoos karte hain

Agar aap protein khaane mein kanjoosi kar rahe hain, to aapko brain fog ho sakata hai. ab agar aap soch rahe ho ki ye brain fog kya hota hai to main aapko batadu ki yadi aapko mehsoos ho ki aap thik se kisi chiz ko soch nahi paa rahe hain, ya kisi bhi chiz ka nirnay lene mein asamanjas ho raha hai to samjh lein ki aapko brain fog hai.

Iron ki kami, jise anemia kaha jaata hai, atyadhik thakaan ka kaaran ban sakati hai. Aisa dekha gaya hai ki jin foods mein iron zyada hota hai unme protein ki bhi achi khaasi maatra hoti hai. For example – chicken lever, beans etc.

Agar aap foola hua ya bloated mehsus kare

Agar aap soojan paida karne wala yaani bloat uttpann karne wale food ya beverage ko avoid bhi karte hain, to aap protein ki kami ke kaaran apne pet, pair or ankles mein soojan ka anubhav kar sakte hain. Protein aapke sharir ki koshikaon ke andar aur baahar taral padaarth ka paryaapt balance banaye rakhane ke liye most important hai. Isliye aap apne khaane me protein ko zarur shaamil kare.

Aapka weight to kam ho raha hai par aapke kapde abhi bhi tight aa rahe hain

Ji haan yeh bilkul sambhav hai ki aapka wajan to kam ho sakta hai par aapke kapde fir bhi aapko tight he aaye. Ye aise sambhav hai jab aap fat ke bajaay apne muscles ko loose kar rahe hain. Aap umar ke sath adhik maansapeshiyon ko kho dete hain. Jab hamaare hormones change hone lagate hain, to protein yukt khaana or bhi important ho jaata hai, kyonki yahi weh samay hota hai jab hamaara sharir lean mass khone lagata hai.

To ab shaayad aap apne sharir mein protein ke mehtva ko samhne lage honge. Yeh zaruri nahi ki jo vyakti body bana raha ho sirf usi ko protein ki aavshyakta hoti hai. Apne sharir ko swasth rakhne ke liye hare k insaan ko protein ki zarurat hoti hai.