Sinew Nutrition Instantised Whey Protein Concentrate 79% review

Table of Contents

Hello Friends

Gym mein workout karte samay protein shake kisi vyakti dwara required pehli chiz hai. Aap muscles banana chahte hain ya fat ko kam karne ki ichcha rakhte hai, Protein shake dono kaamo ke liye kaafi aavashyak hai. Ek balance diet ke 7 components me se, Protein ne fitness ki feild me zyada popularity haasil ki hai, kyuki muscles building ke liye iske prabhaav jo muscles mass, muscle growth or muscle recovery par kaafi effective hote hain. Protein ek vyakti ko workout ke baad muscle recovery karne me madad karta hai.

In dino hamare paas kayi options hain, kayi companies or kayi aisi websites hain jaha hum asaani se koi bhi whey protein kharid sakte hain, lekin fir bhi yeh faisla lena ki kon sa whey protein kharidna chahiye, iske liye bohut saari research karni padti hai. India me sabse badi dikkat supplements kharidne ki yeh hai ki hume pata nahi chal pata ki konsa supplement asli hai or konsa nakli, kyuki bhaarat me sabse zyada milaawati supplement becha jaata hai. Jisse logo ki sehat par bura asar pad raha hai or log aisi jageh se supplements kharidne se ghabraate hain jisko lekar unke mann me thodi duvidha rehti ho.

India me agar koi company ya aisa brand jo bohut popular ho to log jaldi paisa kamaane ke liye us brand ka duplicate samaan banane lag jaate hai. To duplicacy se bachne ke liye supplement banane waali kayi companies aisi saamne aayi hai jo apne har product par ek scratch code deti hai jinse aap ye pata laga sakte hai ki wo product asli hai ya nakli. To aisi he ek company hai sinew nutrition jo ki apne har product pe aise scratch codes deti hai jisse aap asli naqli me farak pehchan sakte hai. To aap keh sakte hai ki sinew nutrition ka jo bhi product aap kharidenge wo aapke paas 100% asli aane wala hai or aapki sehat pe us product ka koi bura prabhaav nahi padne wala.

Ab agar hum baat kare Sinew Nutrition Instantised Whey Protein Concentrate 79% ki to yeh product aapko 30g ki scoop me 23.7g protein provide karwata hai. Kyuki yeh ek protein concentrate hai isliye hum keh sakte hai ki yeh ek acha ratio hai. Iske naam se he pata chal raha hai ki iske naam me 79 kyu lagaya gaya hai. Yeh isliye lagaya gaya hai kyuki agar aap iska 1 scoop lete hai to usme protein ki maatra 100% me se 79% hogi. Yaani baaki 21% me BCAA, EAA or bohut saare vitamins or minerals honge or sath he kuch carbs or fat bhi.

Company claim kar rahi hai ki inka whey american standard ka hai kyuki inhone apne dabbe ke upar likha hua hai, Made from american whey protein. To hum asha kar sakte hai ki iski quality hume achi he milne waali hai. Jaha tak baat hai whey concentrate ki to whey concentrate kya hota hai ye jaan lete hai. whey concentrate sabse aam or lokpriya prakar ka whey protein powder hai or iska utpaadan tab hota hai jab doodh ko filter kiya jaata hai, or usme se whey protein sookh jaata hai. Isme aamtaur par lagbhag 80% protein, thodi maatra me fat or kuch maatra mein carbs hote hain. Carbs or fat ki maatra isme adhik nahi hoti hai, isliye yeh kisi ke liye bhi jo regular diet, mass-gain diet or chaahe cutting par he kyu na chal raha ho un sabke liye theek hai. Iska sabse bada faayda ye hota ki ye sabse sasta hota hai or budget friendly bhi.

The pack states the following :

1 kilo ke ek pack me 33 servings hain, or iske har ek serving me 30 gram powder hai. 1 scoop me 119.4 calories, 1.5 gram Carbohydrates, 23.7 gram protein, 5 gram BCAA, 10.8 gram EAA or 4.0 gram glutamine hota hai, jo kisi supplement ke liye kaafi prabhaav shaali profile dikhta hai, jiski keemat sirf 1,115rs hai.

Attraction in the product :

Iski pehli attention lene waali chiz hai EAAs (Essential amino acids) jo isme 10.8 gram hai. Jab baat ho muscle recovery ki to hume amino acids ki sabse zyada aavshyakta padti hai. Is whey protein se ek vyakti EAAs ki achi maatra praapt kar sakta hai or tezi se muscle recovery kar sakta hai.

Iski dusri attraction hai iska price jo hai takriban 2000rs 2kg whey protein ke liye jo mere hisaab se bohut sasta hai.

Teesri attraction hai iske per scoop me 5 gram BCAAs hai. BCAAs primary amino acid hote hain jo muscles ki growth ko badhaate hain, weh tab bhi muscles ko banaye rakhne me madad karte hain jab koi vyakti fat loose kar raha ho or low calorie diet par ho. BCAAs EAAs ki category me aate hain, lekin weh pehle or sabse important amino acid hain jo muscles ko badhaane or fat ko burn karne ke liye ek heavy workout ke baad body ke liye bohut important hain. Bhaarat me sabse ache whey protein me zyada maatra me BCAAs hona acha hai.

Taste :

Agar hum iske taste ki baat kare to yeh Unflavoured whey protein hai, isliye iske taste ke bare mein hum aapko kuch nahi bata sakte. Bus itni tip zarur de sakte hai ki iska taste doodh me zyada behtar aaega in compare of water. Lekin jo cutting pe chal rahe hai wo ise paani me he lein.

Conclusion :

Kul milaake aap keh sakte hai ki yeh ek acha brand hai jiski khaas baat iska price hai jo ki agar aap 2kg ka pack lete hai to mere khayal se lagbhag 2000 ka ye aapko pad jaega or 2kg ke pack me aapko servings milengi 66. To agar hum 2000 ko 66 se divide karte hai to hamare paas per scoop ek average nikal ke aa jaega ki ek serving hume kitne ki padegi jo hai 30rs. To 30rs me main ise mehnga bilkul nahi maanta hu. Or jo log iska 2kg pack lene se katra rahe ho or pehle ise try karna chahte ho to aise log fir iska 1kg ka pack le sakte hai jo kuch 1100rs ka aapko padega. Agar aapko ye protein acha lagta hai to aap fir iska bada pack mangwa sakte hai.